મચ્છુ 1 ડેમ 4.5 ફૂટે ઓવરફ્લો
મચ્છુ 2 ડેમનાં હવે માત્ર 16 દરવાજા જ ખુલ્લા, મચ્છુ 3નાં 15 દરવાજા ખુલ્લા
બપોરે 12 થી 2 વાગ્યા વચ્ચે વાંકાનેરમાં અડધો ઇંચ
વાંકાનેર: મોરબી જિલ્લામાં બે દિવસથી ભારે વરસાદ પડી રહ્યો છે. ત્યારે મંગળવારે બપોરે 2 વાગ્યાએ મોરબી જિલ્લામાં આવેલા કુલ 10 ડેમોની સ્થિતિ સિંચાઇ વિભાગના જણાવ્યા મુજબ નીચે મુજબ છે..
વાંકાનેર પાસે આવેલા મચ્છુ 1 ડેમમાં હાલમાં 73449 હજાર કયુસેક પાણી આવી રહ્યું છે. મચ્છુ 1 ડેમ 4.5 ફૂટે ઓવર ફલો થઈ ગયો છે.
મોરબીની જીવાદોરી સમાન મહાકાય મચ્છુ 2 ડેમમાં હાલ 1.49 લાખ કયુસેક પાણીની આવક થઈ રહી છે. મચ્છુ 2 ડેમ હાલમાં 16 દરવાજા 15 ફૂટ સુધી ખુલ્લા છે. અને ડેમ માથી 1.49 લાખ ક્યુસેક પાણી છોડવામાં આવી રહ્યું છે.
જ્યારે મચ્છુ 3 ડેમમાં પણ 2.42 લાખ કયુસેક જેટલા પાણીની આવક થઇ રહી છે. મચ્છુ 3 ડેમના 15 દરવાજા 18 ફૂટ ખોલી 2.42 લાખ ક્યુસેક પાણી છોડવામાં આવી રહ્યું છે.
ટંકારાના ડેમી 1 ડેમમાં 16222 કયુસેક પાણીની આવક ચાલુ છે. આ ડેમ 2.16 ફૂટે ઓવરફ્લો થઈ રહ્યો છે.
ડેમી 2 ડેમમાં 23166 કયુસેક પાણીની આવક છે. આ ડેમ 100 ટકા જેટલો ભરાયો છે.અને હાલમાં ડેમનાં 6 દરવાજા 6 ફૂટ ખુલ્લા છે
