ફાયનાન્સિયલ વર્ષની શરૂઆત સાથે, તમારે તમારા કેટલાક ઇન્વેસ્ટ અને ફાયનાન્સિયલ ટાર્ગેટ્સને પણ પૂરા કરવા પડશે. ભારતીય રિઝર્વ બેન્ક (RBI) આવતા મહિને ફાયનાન્સિયલ પોલીસી રિવ્યુ બેઠક યોજવા જઈ રહી છે. એવી અપેક્ષા છે કે ફરી એકવાર રેપો રેટ વધી શકે છે. આ સિવાય ટેક્સ નિયમો, પોસ્ટ ઓફિસ સ્કીમ્સમાં ઇન્વેસ્ટ અને NPS નિયમોમાં પણ ફેરફાર થવા જઈ રહ્યા છે.
1. એપ્રિલથી ટેક્સ નિયમો બદલાશે: 1 એપ્રિલથી બજેટ 2023માં આવકવેરાના નિયમોમાં ફેરફાર થવા જઈ રહ્યા છે. જો તમે કંપનીમાં સ્પષ્ટ ન કરો કે તમે તમારું રિટર્ન કેવી રીતે સબમિટ કરશો, તો તમને નવી સિસ્ટમ ડિફોલ્ટ તરીકે મળશે. હવે નવી સિસ્ટમ હેઠળ, મુક્તિ મર્યાદા 5 લાખ રૂપિયાથી વધારીને 7 લાખ રૂપિયા કરવામાં આવી છે. નવી છૂટ વ્યવસ્થા પ્રમાણે નવો સ્લેબ 1 એપ્રિલથી લાગુ થશે.
2. ડેટ મ્યુચ્યુઅલ ફંડ માટે કોઈ LTCG ટેક્સ બેનિફિટ નથી: ડેટ મ્યુચ્યુઅલ ફંડમાં ઇન્વેસ્ટ પર લોન્ગ ટર્મ કેપિટલ બેનિફિટને બદલે શોર્ટ ટર્મ કેપિટલ બેનિફિટ તરીકે ટેક્સ લાગશે. હાલમાં, 31 માર્ચ સુધી, ડેટ ફંડ્સ પર થયેલા મૂડી બેનિફિટને લાંબા ગાળાના ગણવામાં આવે છે. આવા લાંબા ગાળાના (LTCG) પર ઇન્ડેક્સેશન પછી 20 ટકાના દરે કર લાદવામાં આવે છે, જેનાથી કર જવાબદારીમાં ઘટાડો થાય છે. આ બેનિફિટ 1 એપ્રિલથી નહીં મળે.
3. SCSS અને POMIS ઇન્વેસ્ટ મર્યાદા વધી: સિનિયર સિટીઝન સેવિંગ્સ સ્કીમ હેઠળ ડિપોઝિટની મેક્સિમમ લિમિટ 15 લાખ રૂપિયાથી વધારીને 30 લાખ રૂપિયા કરવામાં આવી છે. સરકારે વરિષ્ઠ નાગરિકોને ઘણા લાભો પણ આપ્યા છે, જેમાં વરિષ્ઠ નાગરિક બચત યોજના અને માસિક આવક યોજના હેઠળ મેક્સિમમ થાપણ લિમિટ વધારવાનો સમાવેશ થાય છે. બજેટ 2023એ વરિષ્ઠ નાગરિકોમાં આ બે રોકાણોનું આકર્ષણ વધાર્યું છે. 1 એપ્રિલથી વરિષ્ઠ નાગરિક બચત યોજના (SCSS) હેઠળ મેક્સિમમ લિમિટ 15 લાખ રૂપિયાથી વધારીને 30 લાખ રૂપિયા કરવામાં આવી છે. આ યોજના પર વાર્ષિક 8% વ્યાજ છે.
4. NPS નો નવો નિયમ: નેશનલ પેન્શન સિસ્ટમ (NPS) માટેનો નવો નિયમ 1 એપ્રિલ 2023થી અમલમાં આવશે. આ હેઠળ, પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) એ હવે વાર્ષિક પેન્શન મેળવવા અથવા બહાર નીકળવા ઇચ્છુક ગ્રાહકો માટે નો યોર કસ્ટમર (KYC) અથવા ઉપાડ સંબંધિત દસ્તાવેજો અપલોડ કરવાનું ફરજિયાત બનાવ્યું છે.
5. RBI વ્યાજ દરમાં વધારો કરી શકે છે: ભારતીય રિઝર્વ બેન્ક (RBI) આવતા મહિને ફાયનાન્સિયલ પોલીસી રિવ્યુ બેઠક યોજવા જઈ રહી છે. આ બેઠક 6 એપ્રિલે યોજાશે. અત્યાર સુધી રિઝર્વ બેંકે રેપો રેટમાં 2.50 ટકાનો વધારો કર્યો છે. તે વધીને 6.50 ટકા થશે.
6 HUID નંબર સાથે ગોલ્ડ જ્વેલરી ખરીદી શકશે: 1 એપ્રિલથી, માત્ર હોલમાર્ક યુનિક આઇડેન્ટિફિકેશન (HUID) નંબર ધરાવતી હોલમાર્કવાળી સોનાની જ્વેલરીને ભારતમાં તમામ જ્વેલરી સ્ટોર્સ પર વેચવાની મંજૂરી આપવામાં આવશે. HUID નંબર એ છ અંકનો આલ્ફાન્યૂમેરિક કોડ છે. આ જ્વેલરીના દરેક ટુકડાને હોલમાર્કિંગ સમયે આપવામાં આવશે અને જ્વેલરીના દરેક ટુકડા માટે તે અનન્ય હશે.
7 એક્સિસ બેન્ક બચત એકાઉન્ટઓ માટે ટેરિફમાં ફેરફાર કરવા જઈ રહી છે: 1 એપ્રિલથી, એક્સિસ બેન્ક સેવિંગ્સ એકાઉન્ટ અને સેલેરી એકાઉન્ટના ટેરિફમાં સુધારો કરશે. ઉદાહરણ તરીકે, બેંકે પ્રેસ્ટીજ સેવિંગ્સ એકાઉન્ટ માટે લઘુત્તમ બેલેન્સમાં સુધારો કર્યો છે.