મોરબી : મોરબી તાલુકા પોલીસે રફાળેશ્વર જી.આઇ.ડી.સી.માં ચોરી થયેલ ગેસના સિલીન્ડર તથા રોકડ રકમની ચોરી કરનાર ઇસમને ચોરીમાં ગયેલ મુદ્દામાલ તથા અન્ય શંકાસ્પદ મુદ્દામાલ સાથે પકડી પાડ્યો છે.
પ્રાપ્ત વિગતો અનુસાર રફાળેશ્વર જી.આઇ.ડી.સી.માંથી ગેસના સિલીન્ડર નંગ-૦૩ કિં.રૂ.૭૫૦૦/- તથા રોકડ રકમ રૂ.૪૬૦૦/- મળી કુલ રૂ.૧૨,૧૦૦/- નો મુદ્દામાલ ચોરી થયેલ હોય મોરબી તાલુકા પોલીસ સ્ટેશનમાં ગત તા.૧૭ ના રોજ ગુન્હો દાખલ થયો હતો. દરમ્યાન મોરબી તાલુકાના રફાળેશ્વર ચોકડી પાસે વાહન ચેકીંગ કરતા એક મો.સા. રજી.નં. GJ-03-CQ-3014 વાળાનો ચાલક અશોકભાઈ ગાંડાભાઈ ઉઘરેજા ઉ.વ.૩૨, રહે. વઘાસીયા, તા.વાંકાનેરવાળો પોતાના કબ્જા ભોગવટાવાળા મો.સા. માં બંને સાઇડ એક-એક તથા પાછળ સીટ ઉપર એક એમ ફૂલ-૦૩ સિલીન્ડર સાથે શંકાસ્પદ હાલતમાં નીકળતા તેની પુછપરછ કરાઈ હતી.
બાદમાં પોકેટકોપના માધ્યમથી સર્ચ કરતા મો.સા.ના ઓનર માવજીભાઇ મનજીભાઇ જાદવ વાળા હોય જેથી સઘન પુછપરછ કરતા તેને ચોરીના ગુન્હાની કબુલાત આપી હતી. આ શખ્સ પાસેથી ચોરાઉ સિલિન્ડર, રોકડ ઉપરાંત શંકાસ્પદ ચીજવસ્તુ મોબાઇલ ફોન નંગ-૦૬ કિ.રૂ.૧૦,૫૦૦/- તથા એક હિરો હોન્ડા કંપનીનુ સ્પ્લેન્ડર મોટર સાયકલ રજી.નં. GJ-03-CO-3014 કિ.રૂ.૨૦,૦૦૦/- મળી કુલ રૂ.૩૦,૫૦૦/- નો મુદ્દામાલ મળી આવતા સી.આર.પી.સી. કલમ-૧૦૨ મુજબ કબ્જે કરી આગળની કાર્યવાહી હાથ ધરાઈ છે.
કમલ સુવાસના ગ્રુપમાં જોડાવવા માટે નીચેની સૂચનાઓને અનુસરો
