વાંકાનેર FCI ગોડાઉને આવતો ટ્રક લૂંટાયો

હળવદથી વાંકાનેર એફસીઆઈ ગોડાઉને આવતા ઘઉં ભરેલા ટ્રકને લૂંટવામાં આવેલ. નવાઈની વાત એ છે કે લૂંટાયેલા આ ટ્રક્નું એક્સિડન્ટ થતા લૂંટારા ઘવાયા હતા.

બનાવની વિગત એવી છે કે હળવદના ભવાનીનગરમાં રહેતા ફિરોજભાઈ જુમાભાઈ જુણેજા એ હળવદ પોલીસમાં ફરિયાદ નોંધાવી છે કે તે ડ્રાઈવર તરીકે રબારી રમેશભાઈ મેરૂભાઈની ટ્રક ચલાવે છે ત્યારે ગત. તા. ૩૦ ના રોજ રાત્રીના કન્ટેનર જીજે ૨૭ એક્સ ૪૨૩૫ લઈને શિવ કેરિયર કન્ટેનર યાર્ડમાંથી આશરે ૨૩ ટન કન્ટેનરમાં ભરી વાંકાનેર એફ સી આઈ ગોડાઉનમાં લઇ જવાના હોય અને તેની બીલ ટી પણ આપેલ જેથી હળવદથી વાંકાનેર જવા માટે ફિરોજભાઈ નીકળ્યા હતા.

શક્તિનગર અપસે પેટ્રોલપંપ ખાતે ડીઝલ પુરાવી ત્યાંથી આગળ જતા એક ફોર વહીલ કાર ઓવર ટેક કરી જનતા હોટલથી આગળ કન્ટેનર આગળ ચાલવા લગાયેલ અને સાઈડ આપેલ નહિ તેમજ હળવદથી થોડે આગળ પરિશ્રમ હોટલ નજીક કન્ટેનરને ઉભું રાખવી ફોર વ્હીલ કારમાંથી ચાર શખ્સોએ ઉતરેલા અને ફિરોજભાઈને ટ્રકમાંથી નીચે ઉતારી માર મારેલ અને મોટો પથ્થર ઉપાડી મારવા જતા ફિરોજભાઈ ત્યાંથી નાશી ગયા બાદ કન્ટેનર માલિક રમેશભાઈને બનાવ અંગે જાણ કરતા રમેશભાઈ દોડી આવ્યા હતા અને ફિરોજભાઈને સારવાર માટે હોસ્પિટલ ખસેડવામાં આવ્યા હતા.