તલાટી વહીવટદારની ભૂમિકામાં આવતા કામનું ભારણ વધ્યું
૭૦૦૦ ગ્રામ પંચાયતો, ૭૫ ન.પા., ૧૭ તા.પં.ની પોણા બે વર્ષથી અટકેલી ચૂંટણી સપ્ટેમ્બર પછી થવાની શકયતા
લોકસભાની ચૂંટણીના પડઘમ શાંત થયા છે ત્યાં આગામી સપ્ટેમ્બર મહિનામાં રાજયની ૭૫ નગરપાલિકા, ૧૭ તાલુકા પંચાયત, બે જિલ્લા પંચાયત અને ૭૦૦૦ ગ્રામ પંચાયતોની છેલ્લા બે વર્ષથી ટલ્લે ચડેલી ચૂંટણી યોજાય તેવા સંકેત મળી રહ્યા છે આ માટે રાજય ચૂંટણી આયોગ દ્રારા બે મહિનામાં તૈયારીઓ પૂર્ણ કરી
દેવામાં આવશે સત્તાવાર સૂત્રોમાંથી મળતી માહિતી અનુસાર લોકસભાના પરિણામો ભાજપ માટે સારા આવ્યા તો તાત્કાલિકના ધોરણે આ ચૂંટણીની જાહેરાત થઈ શકશે નહીં તો બેથી ત્રણ મહિના પાછળ ખેંચવામાં આવશે. હજુ લોકસભાની ચૂંટણીના પરિણામો આવ્યા નથી ત્યાં આગામી સપ્ટેમ્બર મહિનામાં રાજયની
સ્થાનિક સ્વરાજ્યની સંસ્થાઓમાં ચૂંટણી યોજાય તેવા સંકેત મળી રહ્યા છે છેલ્લા બે વર્ષથી ટલ્લે ચડેલી આ ચૂંટણી આગામી નવરાત્રી દરમિયાન યોજાય તેવા સંકેત છે રાજયની ૭૫ નગરપાલિકા, ૧૭ તાલુકા પંચાયત, બે જિલ્લા પંચાયત તેમજ ૭૦૦૦ જેટલી ગ્રામ પંચાયતની ચૂંટણી યોજાશે. નિવૃત્ત ન્યાયમૂર્તિ કે એસ
ઝવેરી પંચના રિપોર્ટ બાદ વધારીને ઓબીસી અનામત ૨૭% કરવાની જાહેરાત ગત ઓગસ્ટ મહિનામાં રાજય સરકાર દ્રારા કરવામાં આવી હતી. ઝવેર કમિશનના રિપોર્ટ અનુસાર ગ્રામીણ વિસ્તારે ૫૨% ને શહેરી વિસ્તારમા ૪૬.૪૩ ટકા ઓબીસી સમાજની વસ્તી છે તેને અનુલક્ષીને ઓબીસી સમાજ માટે
અનામત બેઠકો જિલ્લા પંચાયતોમાં ૧૦૫ થી વધીને ૨૨૯ અને ૨૪૮ તાલુકા પંચાયતમાં ૫૦૬ થી વધેલી ૧,૦૮૫ રાજયની કુલ ૧૪૫૬૨ ગ્રામ પંચાયતો ૧૨,૭૫૦થી વધીને ૨૫૩૪૭ એ જ રીતે નગરપાલિકામાં પણ મોટાપાયે બેઠકો વધી રહી છે. અનામત વર્ગીકરણની કાર્યવાહી પૂરી કરવાની સાથે નવી મતદાર યાદી તૈયાર કરવામાં આવશે અને મતદાર મંડળો રચાશે
તલાટી વહીવટદારની ભૂમિકામાં આવતા કામનું ભારણ વધ્યું
રાજયની ગ્રામ પંચાયતોમાં છેલ્લા બે વર્ષથી વહીવટદાર તરીકે તલાટી ભૂમિકા ભજવી રહ્યા છે. ગામનું સંચાલન તલાટીના માથે આવી પડયું છે. ચૂંટણી નહીં
યોજવાના કારણે ગામડાનો વિકાસ રૂંધાઇ રહ્યો છે રસ્તા પાણી આરોગ્ય સફાઈ તેમજ દાખલા જેવી અનેક સમસ્યા ઊભી થઈ છે તલાટી પાસે એકથી વધુ ગામના ચાર્જ હોવાથી કામનું ભારણ વધારે હોય છે ત્યારે તલાટી એક ગામમાં રહી શકતો નથી અને પરિણામે ગ્રામ પંચાયતની કચેરીને અલીઢ તાળા લાગે છે.
અહીં નોંધવું જરૂરી છે કે સ્થાનિક સ્વરાજયની ચૂંટણીમાં રાજકીય પક્ષો માટે ગ્રામ્ય સ્તરનું સંગઠન મહત્વની ભૂમિકા અદા કરતું હોય છે પંચાયતની ચૂંટણીમાં કોઈ પક્ષ સીધો ભાગ લેતું નથી પણ તે પોતાના સમર્થકોને ટેકો જાહેર કરતા હોય છે
એક પણ સમાચાર નહીં ચૂકવા માટે કમલ સુવાસના ગ્રુપમાં જોડાવવા નીચેની સૂચનાઓને અનુસરો
