નશો કરી સ્વીફટ કાર ચલાવતા પકડાયા
વાંકાનેર: તાલુકામાં ઢુવા માટેલ રોડ ઉપરથી પસાર થતી કારનો તાલુકા પોલીસની ટીમ દ્વારા પીછો કરવામાં આવ્યો હતો અને કારને રોકાવીને ચેક કરવામાં આવતા તેમાંથી 30,000 રૂપિયાની કિંમતના બિયરના 240 ટીન મળી આવ્યા હતા તથા 3 લાખ રૂપિયાની કિંમતની ગાડી આમ કુલ મળીને 3,30,000 ની કિંમતનો મુદ્દામાલ કબ્જે કરવામાં આવ્યો હતો અને એક આરોપીની ધરપકડ કરવામાં આવેલ છે બીજા બનાવમાં સરતાનપર રોડ ગોળાઇમાં મારૂતી સુઝુકી કંપનીની સ્વીફટ કાર નશો કરી ચલાવતા પકડાયા છે…
જાણવા મળ્યા મુજબ વાંકાનેર તાલુકા પોલીસની ટીમ પેટ્રોલિંગમાં હતી ત્યારે તાલુકા પોલીસ સ્ટેશનના અજયસિંહ ઝાલા અને સામતભાઈ છુછીયાને મળેલી બાતમી આધારે વાંકાનેર તાલુકાની ઢુવા ચોકડી થી માટેલ તરફ જતા રસ્તા ઉપર વોચ રાખવામાં આવી હતી અને ત્યાંથી પસાર થઈ રહેલી કાર નંબર જીજે 36 એએફ 1469 ને રોકીને પોલીસ દ્વારા ચેક કરવામાં આવતા તે કારમાંથી બિયરના 240 ટીન મળી આવ્યા હતા જેથી 30,000 રૂપિયાની કિંમતનો બિયરનો જથ્થો તથા 3 લાખ રૂપિયાની કિંમતની ગાડી આમ કુલ મળીને 3.30 લાખ રૂપિયાની કિંમતનો મુદ્દામાલ કબજે કર્યો છે અને 
કાર ચાલક સ્થળ ઉપરથી તકનો લાભ લઈને નાશી ગયો હતો, પણ કાર ચાલકની બાજુની સીટ ઉપર બેઠેલા આરોપી લાલજીભાઈ પ્રવીણભાઈ ડાભી રહે. સો ઓરડી રામદેવપીર મંદિર પાછળ ખડીયાવાસ મોરબી મૂળ રહે. દુધઈ તાલુકો જોડિયા વાળાની પોલીસ દ્વારા ધરપકડ કરવામાં આવેલ છે અને તેની પૂછપરછ દરમિયાન અલ્પેશ ઉર્ફે ભોલો રાજેન્દ્રસિંહ ચાવડા રહે. મુળી જિલ્લો સુરેન્દ્રનગર વાળાનું નામ સામે આવ્યું છે જેથી કરીને આ બંને શખ્સોની સામે વાંકાનેર તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે અને આ કામગીરી વાંકાનેર તાલુકા પોલીસ સ્ટેશનના પીઆઇ બી.વી.પટેલના માર્ગદર્શન હેઠળ સ્ટાફ દ્વારા કરવામાં આવી હતી
નશો કરી સ્વીફટ કાર ચલાવતા પકડાયા
ત્રાજપર (મોરબી)ના દેવકરણભાઈ ડાયાભાઈ પાટડીયા (ઉ.32) વાળા કેફી પીણું પીધેલ હાલતમાં સરતાનપર રોડ ગોળાઇમાં મારૂતી સુઝુકી કંપનીની સ્વીફટ કાર રજી નંબGJ-36-AC-6897 કિ રૂ.૩,૦૦,૦૦૦/-વાળી જાહેર રોડ ઉપર સર્પાકારે ચલાવી નિકળી મળી આવતા ગુન્હો એમ.વી.એકટ કલમ ૧૮૫, ૧૮૧(૧)તથા પ્રોહિબીશન એક્ટ કલમ ૬૬(૧)બી મુજબ નોંધાયો છે…