દિગ્વિજયનગરનો સચિન અને એક સગીરને પકડી કાર્યવાહી હાથ ધરાઈ
વાંકાનેર પંથકમાં બાઈક પર જોખમી સ્ટંટ કરતા ઇસમોના સોશ્યલ મીડિયામાં વાયરલ થયેલા વિડીયોને પગલે પોલીસે અપસ ચલાવી હતી, જેમાં જોખમી સ્ટંટ કરનાર એક સગીર સહિતના બે ને ઝડપી લઈને પોલીસે ધોરણસરની કાર્યવાહી હાથ ધરી છે.
સોશ્યલ મીડિયામાં અપલોડ કરેલ વિડીયોમાં નેશનલ હાઈવે રોડ પર બાઈક પર જોખમી સ્ટંટ કરતા યુવાનો જોવા મળ્યા હતા, જે વિડીયો વાયરલ થતા વાંકાનેર પોલીસ ટીમે તપાસ ચલાવી હતી અને વિડીયોમાં જોખમી સ્ટંટ કરતા ઈસમોને ઝડપી લેવા તપાસના ચક્રો ગતિમાન કર્યા હતા, જેમાં વાંકાનેર તાલુકા પોલીસ સ્ટેશન વિસ્તારમાંથી ૦૨ ઇસમોને ઝડપી લેવામાં આવ્યા છે.
જેમાં વાંકાનેર પોલીસે આરોપી સચિન ભગવાનજી જાદવ/કોળી રહે. વાંકાનેર દિગ્વિજયનગર વાળો અને એક સગીર એમ બેને ઝડપી લીધા હતા અને આરોપીઓ વિરુદ્ધ ધોરણસરની કાર્યવાહી હાથ ધરી છે.
જે કામગીરીમાં વાંકાનેર તાલુકા પીએસઆઈ બી. પી. સોનારા ઉપરાંત પોલીસ સ્ટાફ જોડાયો હતો.
