ટંકારા: ગણેશપર ગામમાં જમીનના ઝઘડામાં એક શખ્સને માર માર્યાની ત્રણ જણા સામે ફરિયાદ થઇ છે….
જાણવા મળ્યા મુજબ ટંકારા તાલુકાના ગણેશપર ગામના ધર્મેશભાઇ મુળજીભાઈ ભાગીયા (ઉ.વ.૩૩) ફરિયાદમાં લખાવેલ છે કે આજથી છએક મહિના પહેલા ગણેશપર ગામમાં અમારા કબજા ભોગવટાવાળી જગ્યા આવેલ છે. જ્યાં અમારા ગામના બળવંતભાઇ દેવજીભાઇ દેવડા, ગણેશભાઇ નરશીભાઈ દેવડા તથા સંદિપભાઇ બળવંતભાઇ દેવડા નાઓ જમીન ઉપર કબ્જો કરવા માગતા હોય જેથી અમારે તેમની સાથે બોલાચાલી થયેલ હતી…
ગઇ તા.૧૬/૦૩/૨૦૨૫ ના રોજ આશરે છ એક વાગ્યે હું મોટર સાયકલ લઇને ગણેશપર ગામથી હીરાપર ગામના રસ્તા પાસે અમારી વાડીએ જતો હતો તે દરમ્યાન ગણેશપર ગામના પાદર પાસે પહોંચતા સામેથી બળવંતભાઈ દેવજીભાઇ દેવડાનાઓ મોટર સાયકલ લઇને આવતા હોય જેઓએ મારા મોટર સાયકલ આડુ મોટર સાયકલ ઉભુ રાખી મને કહેવા લાગેલ કે ‘પંચાયતની જમીન ઉપર તમે જે કબ્જો કરી બેઠા છો તે ખાતે કરી દેજો’ તેમ કહી બોલાચાલી કરી ઝગડો કરવા લાગેલ અને લાકડી વડે મુંઢ માર મારેલ હતો બાદ ગણેશભાઇ નરશીભાઇ દેવડા તથા સંદિપભાઇ બળવંતભાઇ દેવડા નાઓ આવેલ અને મને મારવા લાગેલ. બુમાબુમ થતાં માણસો ભેગા થઇ ગયેલ બાદ મારા પિતા મુળજીભાઇ હિરાભાઇ ભાગીયા, મનસુખભાઈ ભગવાનજીભાઇ ભાગીયા તથા પ્રફુલભાઇ અમરશીભાઇ ભાગીયા નાઓ આવેલ અને મને વધુ મારથી છોડાવેલ હતો ત્યારે બળવંતભાઇ દેવજીભાઇ દેવડા જતાં જતાં કહેવા લાગેલ કે ‘મારા વિરુધ્ધ પોલીસ ફરીયાદ કરીશ તો તને જાનથી મારી નાખીશું’ અને મને ૧૦૮ એમ્બ્યુલન્સમાં ટંકારા સરકારી હોસ્પિટલ ખાતે સારવારમાં લઇ ગયેલ હતા. સમાધાનની વાત ચાલુ હતી, પણ થયેલ નથી. પોલીસ ખાતાએ ફરિયાદ નોંધી આગળની કાર્યવાહી શરુ કરેલ છે…
એક પણ સમાચાર નહીં ચૂકવા માટે કમલ સુવાસના ગ્રુપમાં જોડાવવા નીચેની સૂચનાઓને અનુસરો
