₀ ડો. કડીવારે વન્યપ્રાણીની જુદી જુદી ૧૦૦ થી પણ વધારે પ્રજાતિ પર નોંધપાત્ર કામ કરેલ છે તથા સારવાર કરેલ છે.

0 ડો. કડીવારે વલ્ચર (ગીધ) સંરક્ષણ પર પણ નોંધપાત્ર રિસર્ચ કરેલ છે. જેના કારણે આજે સકકરબાગ ઝુ ભારતમાં બીજા નંબરનું ગીધ સંરક્ષણમાં સફળતા મેળવનાર ઝુ છે. તેઓએ કૃત્રિમ નેસ્ટ (માળો) તથા ગીધનાં ઇંડાનું કૃત્રિમ ઇન્કયુબેશન (સેવન) સફળતાપૂર્વક કરેલ છે. હાલમાં ભારતમાં પ્રથમ શાહમૃગનાં ઈંડાનું કૃત્રિમ સેવન સફળતાપૂર્વક કરાવેલ છે. આ ઉપરાંત ઘણા બધા એન્હેન્ઝર્ડ પ્રજાતિનાં પક્ષીઓનાં ઈંડાનું કૃત્રિમ સેવન કરેલ છે, જેવા કે કાલીજ હિઝન્ટ, રેડ જંગલ કાઉલ, ગોલ્ડન હિઝન્ટ વિગેરે. 

૦ વરૂ (નાર) હાલમાં ભારતમાં ખૂબ જ ઓછી સંખ્યામાં હોય ડો. કડીવાર સકકરબાગ ઝુ ખાતે વરૂનું બ્રિડીંગ સેન્ટર પણ ચલાવે છે. પ્રેગ્નન્ટ વરૂ (માદા)ને કૃત્રિમ ડેન (ગુહા) તથા ખોરાકમાં જરૂરી ફેરફાર કરી તેનું સફળતાપૂર્વક બ્રિડીંગ કરે છે. 

0 ડો. કડીવાર સરિસૃપમાં પણ સારૂં એવું જ્ઞાન ધરાવે છે. તેઓએ ઘણા બધા ઝેરી-બિન ઝેરી સરિસૃપો જેવા કે કોબ્રા, ખડચિત્તળો, મગર, ઘામણ, અજગર વિગેરેની સર્જરી કરેલ છે. 

0 એશિયાઇ સિંહમાં તો તેઓ ભારતભરમાં સૌથી અનુભવી ડોકટર તરીકેની છાપ ધરાવે છે, જેથી લગભગ ભારતનાં કોઇ પણ ઝુમાં સિંહને કોઇ પણ તકલીફ હોય, તેઓનો સંપર્ક અચૂક કરવામાં આવે છે. જરૂર જણાયે તેઓને સારવાર માટે પણ બોલાવવામાં આવે છે. 

0 ડો. કડીવાર ૨૦૧૪ થી ૨૦૧૬ સુધી સતત બે વર્ષ માટે લાયન સફારી, ઇટાવા (ઉત્તરપ્રદેશ) ખાતે વારંવાર સારવાર માટે ગયેલ તથા એક બે દિવસનાં સિંહનાં બચ્ચાને ફેફસામાં ઈન્ફેકશન હોય તેને ઓકસીજન પર રાખી સતત બે દિવસની સારવાર બાદ બચાવી લીધેલ. 

0 ૨૦૧૬મા જોધપુર (રાજસ્થાન) ઝુ ખાતે સિંહણે ત્રણ બચ્ચાને જન્મ આપેલ, પરંતુ સિંહણે તેનાં બચ્ચાને દૂધ ન પીવડાવેલ અને સંભાળ નહિં રાખેલ. જેથી બે બચ્ચાનાં મૃત્યુ થયેલ. ત્યાર બાદ ઝુ નાં અધિકારીઓ દ્વારા ડો. કડીવારને સારવાર માટે બોલાવેલ. ડો. કડીવારે તાત્કાલિક ૧૮ કલાકમાં જોધપુર પહોંચીને બચેલ એક બચ્ચાને કે જે ગંભીર રીતે બિમાર અને પેશાબમાં લોહી આવતું હતું, તેની સારવાર કરી બચાવી લીધેલ. આથી જોધપુ૨ ઝુ ના અધિકારીઓએ બાદમાં ડો. રિયાઝનાં નામ પરથી સિંહને ‘રિયાઝ’ નામ આપ્યું. 

0 ૨૦૧૭ દરમ્યાન મીની ઝુ પીપલી (હરિયાણા) ખાતે સિંહણે ૩ બચ્ચાને જન્મ આપ્યા પછી જોધપુર ઝુ ની જેમ જ બચ્ચાને દૂધ પિવડાવેલ નહિં કે સંભાળ રાખેલ નહિં. જેથી ડો. કડીવારનો સંપર્ક કરતા તેઓએ મિલ્ક ફોર્મ્યુલા મોકલાવેલ તથા દરરોજ ત્યાંનાં ડોકટર સાથે ચર્ચા કરી જરૂરી તમામ તકેદારી અંગેની માહિતી પૂરી પાડેલ. જેથી પીપલી ઝુ ખાતેનાં ત્રણેય બચ્ચા બચી ગયેલ. 

0 ડો. કડીવારે મધ્યપ્રદેશનાં બાંધવગઢ નેશનલ પાર્કમાં બે વાઘનાં બચ્ચા ૨૦૧૬ દરમ્યાન અનાથ મળી આવતા ત્યાંના ડોકટરને જુનાગઢથી મિલ્ક ફોર્મ્યુલા મોકલાવેલ તથા જરૂરી તમામ સૂચના આપેલ, જે અન્વયે તે વાઘનાં બચ્ચા પણ બચી ગયેલ. 

૦ આ ઉપરાંત ડો. કડીવાર વન્યપ્રાણી રેસ્કયુમાં પણ નિષ્ણાંત છે. તેઓએ હાલ સુધીમાં ૩૦૦ થી વધુ દિપડા, ૧૦૦ થી વધુ સિંહોને દિપડા, ૧૦૦ થી વધુ સિંહોને માનવ વસાહત કે જંગલભાગમાંથી રેસ્કયુ કરી સારવાર કરેલ છે. 

0 ૨૦૧૮મા ગાંધીનગરના સચિવાલયમાં તથા ચોટીલાની કોર્ટમાં આવી ચડેલ દિપડાને પણ તેઓએ જ ગનથી બેભાન કરી સફળતાથી રેસ્કયુ કરેલ.  

0 વર્ષ ૨૦૧૯ના જાન્યુઆરીમાં મૈસુર ઝુ ખાતે સિંહણ ગંભીર બિમાર થતા ડો. કડીવાર તાત્કાલિક સારવાર કરવા પણ ગયેલ. બે દિવસ સારવાર કરી ત્યાંના ડોકટરોને માર્ગદર્શન પૂરું પાડેલ હતું. 

તેઓ મૂળ વાંકાનેર તાલુકાના પીપળિયારાજના વતની છે, એમના મોટાભાઈ ડો. ઈમ્તિયાઝ કડીવાર હાલમાં અમરસર ફાટક પાસે ‘પશુ સારવાર કેન્દ્ર’ના નામથી પશુઓની સારવાર કરવામાં કાર્યરત છે.