આંતરરાષ્ટ્રીય મહિલા દિવસે વિશેષ સન્માન કરાયું
સંસ્કૃતિ વિદ્યાલય, વાંકાનેરની વિદ્યાર્થીની તરીકે ફિઝાએ મહેનત અને લગનથી આ નોંધપાત્ર સફળતા મેળવી
વાંકાનેર: આંતરરાષ્ટ્રીય મહિલા દિવસના અવસરે મોરબી જિલ્લા વહીવટી તંત્ર દ્વારા વિવિધ ક્ષેત્રોમાં શ્રેષ્ઠ સિદ્ધિ હાંસલ કરનાર મહિલાઓ અને દીકરીઓને સન્માનિત કરવામાં આવી હતી. આ અવસરે વાંકાનેરની તેજસ્વી દીકરી ફિઝા મકબૂલભાઈ બાદીનું પણ “વ્યક્તિ વિશેષ સન્માન અભિવાદન” કરી બિરદાવવામાં આવ્યું હતું.
વર્ષ ૨૦૨૫માં ધોરણ-૧૨ સામાન્ય પ્રવાહની પરીક્ષામાં સમગ્ર જિલ્લામાં પ્રથમ ક્રમે સ્થાન મેળવતા ફિઝા બાદીએ પોતાના માતા-પિતા, પરિવાર, ગામ તેમજ વાંકાનેર તાલુકાનું નામ ગૌરવપૂર્વક ઉજાગર કર્યું છે. સંસ્કૃતિ વિદ્યાલય, વાંકાનેરની વિદ્યાર્થીની તરીકે ફિઝાએ મહેનત અને લગનથી આ નોંધપાત્ર સફળતા મેળવી છે.
આ પ્રસંગે જિલ્લા વહીવટી તંત્ર દ્વારા ફિઝાને સન્માનિત કરી તેના ઉજ્જવળ ભવિષ્ય માટે શુભેચ્છાઓ પાઠવવામાં આવી હતી. ફિઝાની આ સિદ્ધિ અન્ય દીકરીઓ માટે પણ પ્રેરણારૂપ બની છે અને સમાજમાં શિક્ષણ પ્રત્યે જાગૃતિ લાવવાનું કાર્ય કરે છે. સ્થાનિક લોકો તથા શિક્ષણપ્રેમીઓએ પણ ફિઝા બાદીને અભિનંદન પાઠવી તેની આ સફળતાને ગૌરવની ક્ષણ ગણાવી છે…
