ટંકારા: તાલુકાના લજાઇ ચોકડી વિશ્વા પોલીપેક સામે નામ વગરના કારખાના (ગોડાઉન) માં જુગારની રેડ કરી હતી ત્યારે સ્થળ ઉપરથી ફુલ-૬ ઇસમોને રોકડા ૧,૬૩,૦૦૦ તથા અન્ય મુદામાલ મળી કુલ ૬,૯૩,૦૦૦ ના મુદામાલ સાથે ઝડપાયા હતા….
ટંકારાના પીઆઇ કે.એમ.છાસીયાની સુચના મુજબ સર્વેલન્સ સ્ટાફના માણસો પેટ્રોલીંગમાં હતા. દરમ્યાન જસપાલસિંહ જાડેજા અને કૃષ્ણરાજસિંહ ઝાલાને ખાનગી બાતમી મળી હતી કે, મોરબી રામકો બંગ્લોઝ પાછળ રહેતા નરેશભાઈ ઇશ્વરભાઈ પટેલે લજાઇ ગામની સીમ લજાઈ યોકડી પાસે આવેલ વિશ્વા પોલીપેક નામના કારખાના સામે નામ વગરનું કારખાનુ (ગોડાઉન) ભાડેથી રાખેલ છે તે ગોડાઉન (કારખાનામાં) બહારથી માણસો બોલાવી જુગાર રમી રમાડી સાધન સગવડ પુરીપાડી તેની અવેજમાં નાલ ઉઘરાવી જુગારનો અખાડો ચલાવે છે. જે હકિકત આધારે રેઇડ કરી હતી ત્યારે કુલ ૬ ઇસમો જુગાર રમતા મળી આવ્યા હતા જેમા 
નરેશભાઈ ઈશ્વરભાઈ ચાપાણી (૪૪) રહે. લીલાપર રોડ, ગજાનંદ સોસાયટી મોરબી, ધનજીભાઈ ગોરધનભાઈ બરાસરા (૬૯) રહે. એસ.પી. રોડ, દેવ એપાર્ટમેન્ટ ફ્લેટ મોરબી, પ્રભુભાઈ નરભેરામભાઈ દેત્રોજા (૬૨) રહે. એસ.પી. રોડ, આદીત્ય એપાર્ટમેન્ટ મોરબી, મહાદેવભાઈ નરશીભાઈ રંગપરીયા (૬૦) રહે. ઘુનડા (સજનપર) તા.ટંકારા, વાઘજીભાઈ બચુભાઈ રંગપરીયા (૫૧) રહે, નવાગામ (લખધીરનગર) મોરબી અને અમૃતભાઈ પીતામ્બરભાઈ જીવાણી (૬૨) રહે. બાયપાસ શીવ ધારા એપાર્ટમેન્ટ મોરબી વાળાનો સમાવેશ થયા છે તેની પાસેથી રોકડા ૧,૬૩,૦૦૦ તથા ૬ મોબાઈલ જેની કિમંત ૩૦,૦૦૦, એક કાર ૫,૦૦,૦૦૦ આમ કુલ મળીને ૬,૯૩,૦૦૦ નો મુદામાલ મળી આવતા ટંકારા પોલીસ સ્ટેશનમાં ગુનો નોંધીને આગળની કાર્યવાહી કરેલ છે…