મિસ યુ મમી-પપ્પા લખી યુવાનનો આપઘાત

વાંકાનેર: તાલુકાના માટેલ નજીક સિરામિક ફેક્ટરીમાં કામ કરતા એક યુવકે ગત મોડી સાંજે મિસ યુ મમ્મી-પપ્પા ચીઠ્ઠી લખી

કેનાલમાં ઝંપલાવી જિંદગી ટૂંકાવી હતી. ચાર બહેનો વચ્ચે એક જ ભાઈના મોતથી પરિવારમાં ભારે શોકનો માહોલ ફેલાયો છે.

મળતી માહિતી અનુસાર, માટેલ નજીક સિરામિક ફેકટરીમાં કામ કરતા મૂળ હળવદના ટીકર ગામે રહેતા રોહિતભાઈ કરશનભાઈ સિતપરા નામના ૨૯ વર્ષીય યુવકે ગત મોડી સાંજે અગમ્ય કારણોસર કડિયાણા નજીક નર્મદા બ્રાન્ચ કેનાલમાં ઝંપલાવી મોતને વહાલું કર્યું હતું. ત્યારે

આજે વહેલી સવારે નર્મદા બ્રાન્ચ કેનાલ નજીકથી મોબાઈલ, બાઈક અને મિસ યુ મમ્મી પપ્પા લખેલી કરુણ ચીઠ્ઠી તેમજ યુવકનો મૃતદેહ મળી આવ્યો હતો. જેની જાણ થતા જ આસપાસનાં વિસ્તારના લોકો થતા પોલીસ કાફલો ઘટનાસ્થળે પહોંચ્યો હતો. અને

મૃતદેહને સરકારી હોસ્પિટલ હળવદ ખાતે ખસેડવામાં આવ્યો હતો. તેમજ સમગ્ર મામલે પોલીસે મૃત્યુ નોંધ કરી આત્મહત્યા પાછળનું કારણ જાણવા તપાસ હાથ ધરી છે. ચાર બહેનો વચ્ચે એક જ ભાઈના મોતથી પરિવારમાં ભારે શોકનો માહોલ છવાયો છે.

એક પણ સમાચાર નહીં ચૂકવા માટે કમલ સુવાસના ગ્રુપમાં જોડાવવા નીચેની સૂચનાઓને અનુસરો