પીજીવીસીએલ ગમે તેટલો લોડ વધારો મફત આપશે

મીટર વગરના ઉધડ કનેક્શનમાં પણ મીટર વગર લોડ વધારો આપવામાં આવશે

તા.31 – 5 – 2023 સુધીમાં ખેડૂત ગમે તેટલો લોડ વધારો માંગશે, આપવામાં આવશે. લોડ વધારા અન્વયે ખેડૂતોને માત્ર પ્રતિ હોર્સ પાવર રૂપિયા 200 ડિપોઝીટ ચાર્જ જ ચૂકવવાનો થશે

મોરબી : પશ્ચિમ ગુજરાત વીજ કંપની દ્વારા ખેડૂતો માટે મહત્વની લોડ વધારો આપવાની યોજના અમલી બનાવી છે, જે અંતર્ગત કોઈપણ ખેડૂત માંગે એટલો લોડ વધારો નિઃશુલ્ક આપવામાં આવશે. ઉપરાંત મીટર વગરના ઉઘડ વીજ કનેકશનમા પણ આગામી તા.31 મે સુધી અરજી કરનાર ખેડૂતોને લાભ મળશે.

પશ્ચિમ ગુજરાત વીજ કંપની દ્વારા ખેડૂતો માટે ખેતી વિષયક સ્વૈચ્છીક જાહેરાત યોજના 2023 અમલમાં મૂકી છે, જે અંતર્ગત તા.31 – 5 – 2023 સુધીમાં જે કોઈપણ ખેડૂત ગમે તેટલો લોડ વધારો માંગશે, તેટલો લોડ વધારો આપવામાં આવશે. વધુમાં આ લોડ વધારા અન્વયે ખેડૂતોને માત્ર પ્રતિ હોર્સ પાવર રૂપિયા 200 ડિપોઝીટ ચાર્જ જ ચૂકવવાનો છે.

વધુમાં વીજ તંત્ર દ્વારા મીટર વગરના ઉધડ વીજ કનેકશન ધરાવતા ખેડુતોને પણ આ યોજના હેઠળ આવરી લઈ જુના કનેક્શનમાં પણ જોઈએ તેટલો લોડ વધારો આપવામાં આવશે અને તમને મીટર નહિ મુકવામાં આવે તેવી જાહેરાત કરવામાં આવી છે.