કોંગ્રેસના ઉમેદવારના નામની આજે જાહેરાતની શક્યતા
વાંકાનેર: રાજકોટ લોકસભા બેઠકના ભાજપના ઉમેદવાર પરષોત્તમ રૂપાલાની સુરક્ષામાં વધારો કરવામાં આવ્યો છે.
અમીન માર્ગ પરના તેમના બંગલા પર સ્ટેટ રિઝર્વ પોલીસ (એસઆરપી)ના જવાનો અને અંગત સુરક્ષાકર્મીઓ દ્વારા પણ રક્ષિત જોઈ શકાય છે. સ્થાનિક પોલીસ સ્ટેશન દ્વારા પણ બંદોબસ્ત ગોઠવી દેવામાં આવ્યો છે.
તેમની ચોક્કસ ટિપ્પણીને કારણે ક્ષત્રિય સમુદાયના અમુક જૂથો નારાજ થયા છે. પરષોત્તમ રૂપાલાએ તેમની ટિપ્પણી માટે એક કરતા વધુ વખત માફી માંગી ચૂક્યા છે. ઉલ્લેખનીય છે કે, પરષોત્તમ રૂપાલા કેન્દ્રીય કેબિનેટ મંત્રી અને રાજ્યસભાના સભ્ય પણ છે.
કોંગ્રેસના નેતા, લાઠી રાજવી અને ક્ષત્રિય નેતા આદિત્યસિંહ ગોહિલે પરષોત્તમ રૂપાલા વિરુદ્ધ કોર્ટમાં માનહાનિનીઅરજી કરી છે. આ કેસમાં અરજીની સુનાવણી ચીફ જ્યુડિશિયલ મેજિસ્ટ્રેટની કોર્ટમાં થશે. માનહાનિ કેસની ફરિયાદની સુનાવણી 15 એપ્રિલના રોજ થશે. ઊંઝામાં પણ બીજી વ્યક્તિ દ્વારા ફરિયાદ નોંધાવાઇ છે. ચૂંટણી પંચે વાણીવિલાસની બાબતે રૂપાલાને નોટિસ પાઠવી છે.
જાણવા મળે છે કે રાજકોટ લોકસભા માટે કોંગ્રેસના ઉમેદવારના નામની જાહેરાત આજે રાત્રે થઇ શકે છે.
એક પણ સમાચાર નહીં ચૂકવા માટે કમલ સુવાસના ગ્રુપમાં જોડાવવા નીચેની સૂચનાઓને અનુસરો
