એક પેનલના 10 અને બીજી પેનલના 5 સભ્યો ચૂંટાયા
લવાદમા લઈ જવાની તૈયારી કરતી કાતર પેનલ
અગાઉથી પોલીસને જાણ કરતાં પોલીસતંત્ર હાજર રહ્યું
રિકાઉટિંગ બાદ પરીણામ અલગ આવતા હરીફ ઉમેદવારોએ રોજકામમાં સહી ન કરી
ટંકારા તાલુકાના અમરાપર ગામે આવેલ સેવા સહકારી મંડળીના પ્રમુખ સહિતના 15 સભ્યો માટે 25 જુલાઈ ના ચુંટણી યોજાઈ હતી, જેમાં 418 સભાસદ મતદારો પૈકી 406 ખેડૂતો એ મતાધિકારનો ઉપયોગ કર્યો હતો. બપોર બાદ ગણતરી કરવામાં આવી હતી, જેમા ચુંટણી અધિકારી તરીકે યુ. એ. કડીવાર દ્વારા નિયમોનુસાર બેલેટ પેપરમાં ત્રણ ઉમેદવારોમાં ટાઈ થઈ હોય રિકાઉન્ટિંગ ગણતરી કરી પરીણામ
જાહેર કરતા કુકર નિશાનવાળા જુથના 15 સભ્યોમાંથી 10 સભ્યો ચુંટાઈ આવ્યાનું જાહેર થતા કાતર પેનલના 5 સભ્યો વિજેતા જાહેર થતા અનેક સવાલો સાથે કાતર પેનલે પરીણામ પંચરોજકામમાં સહી કરવાની ના પાડી સક્ષમ અધિકારીની હાજરીમાં ફરી મતગણતરી કરવાની માગણી કરી લેખિત રજૂઆત કરતા મામલો ચકરાવે ચડયો છે.
કાતર પેનલે મતગણતરીમાં ગોલમાલના આક્ષેપ લગાવ્યા છે. બીજી તરફ ચુંટણી અધિકારી કડીવારે જણાવ્યું હતું કે નિયમોનું પાલન કરી પરીણામ જાહેર કર્યુ છે હાજર ઉમેદવાર અને પોલીસ સહિતનાની હાજરીમાં રોજકામ કર્યુ છે. અત્રે ઉલ્લેખનીય છે કે ત્રણ બેઠક ટાઈ થતા રિકાઉટિંગ બાદ પરીણામ અલગ આવતા ભારે રોષ ફેલાયો હતો. કાયદો અને વ્યવસ્થા જાળવવા અને શાંતી સલામતી બની રહે માટે
અગાઉથી પોલીસને જાણ કરતાં ટંકારા પીએસઆઈ સેડા, બિટ જમાદાર સિદિકીભાઈ અને રાઈટર બિપીનભાઈ પટેલે આસિસ્ટન્ટ પોલીસ ઈન્સ્પેક્ટર ચંદુભાઈ જીઆરડી જવાનો સહિતનો સ્ટાફ હાજર રહ્યો હતો.
