દરેક નાના-મોટા કામમાં તેની જરૂર પડે છે આ થી તેને દરેક સમયે અપડેટ રાખવું પણ જરૂરી છે
જો તમારું આધાર કાર્ડ અપડેટ નથી તો તેને ઝડપથી અપડેટ કરો. નહીંતર તમે સરકારી યોજનાઓનો લાભ લેવાથી વંચિત રહી જશો. યુનિક આઈડેન્ટિફિકેશન ઓથોરિટી ઓફ ઈન્ડિયા એટલે કે UIDAI એ આધાર કાર્ડ ને લઈને એક ચેતવણી જારી કરીને કહ્યું છે કે જો તમને કોઈ સરકારી કે બિનસરકારી યોજનાનો લાભ મળે છે, તો તેને ચાલુ રાખવા માટે આધાર કાર્ડમાં હંમેશા POI અને POA અપડેટ રાખો. જો તમારું FSI અને PA અપડેટ કરવામાં આવ્યું નથી તો તેને શક્ય તેટલી વહેલી તકે અપડેટ કરો. જો અપડેટની ઓનલાઈન પ્રક્રિયા હોય તો તેની ફી 25 રૂપિયા છે. એટલા માટે આ માહિતી અપડેટ કરો જેના કારણે તમને સરકારી યોજનાઓનો લાભ લેવામાં કોઈ સમસ્યાનો સામનો કરવો નહીં પડે. જો આધાર કાર્ડમાં આ માહિતી ઓફલાઇન અપડેટ કરવામાં આવે છે, તો તેની ફી 50 રૂપિયા છે. આધાર કાર્ડ આપણા દેશમાં સૌથી લોકપ્રિય અને વિશ્વસનીય દસ્તાવેજ છે. દરેક નાના-મોટા કામમાં તેની જરૂર પડે છે. આવી સ્થિતિમાં તેને દરેક સમયે અપડેટ રાખવું પણ જરૂરી છે.
POI અને POAને પ્રૂફ ઓફ આઈડેન્ટિટી અને પ્રૂફ ઓફ એડ્રેસ પણ કહેવામાં આવે છે. આધાર દ્વારા 1 જુલાઈ, 2022ના રોજ જારી કરવામાં આવેલી નોટિસ અનુસાર, પ્રૂફ ઓફ આઈડેન્ટિટી એટલે કે POI અપડેટ માટે આવા દસ્તાવેજની જરૂર છે જેમાં નામ અને ફોટો હોય. પાન કાર્ડ, ઈ-પાન, રાશનકાર્ડ, વોટર આઈડી, ડ્રાઈવિંગ લાયસન્સ, આર્મ્સ લાયસન્સ, ફોટો બેંક એટીએમ કાર્ડ, ફોટો ક્રેડિટ કાર્ડ, લગ્નનું પ્રમાણપત્ર, ખેડૂત ફોટો પાસબુક સહિતના ડઝનબંધ દસ્તાવેજો તેને અપડેટ કરાવવા પુરાવા તરીકે સબમિટ કરવામાં આવે છે.
પ્રૂફ ઓફ એડ્રેસ એટલે કે POA અપડેટ માટે આવા દસ્તાવેજની આવશ્યકતા છે જેમાં તમારું નામ અને સરનામું હોય. આ માટે પાસપોર્ટ, બેંક સ્ટેટમેન્ટ, રાશન કાર્ડ, વોટર કાર્ડ, ડ્રાઇવિંગ લાઇસન્સ, પેન્શનલ કાર્ડ, ખેડૂત પાસબુક, વિકલાંગતા કાર્ડ, મનરેગા કાર્ડ, માન્ય શાજ ઓળખ કાર્ડ, શાળા છોડવાનું પ્રમાણપત્ર, વીજળી બિલ, પાણીનું બિલ, લેન્ડલાઇન ટેલિફોન બિલ, પોસ્ટપેડ મોબાઇલ બિલ જેમ કે ડઝનબંધ દસ્તાવેજો પુરાવા તરીકે સબમિટ કરી શકાય છે.
આધાર કાર્ડમાં ઘણી બધી માહિતી છે અને દરેક માહિતી અપડેટ કરી શકાય છે. જો નામ જેન્ડર જન્મતારીખ, સરનામું અને ભાષામાં ફેરફાર હોય તો તે ઓનલાઈન શક્ય છે. જોકે, ઓનલાઈન અપડેટ માટે રજિસ્ટર્ડ મોબાઈલ નંબર હોવો જરૂરી છે. જો રજિસ્ટર્ડ મોબાઈલ નંબર અપડેટ ન થયો હોય તો પહેલા તેને અપડેટ કરાવો. ઓનલાઈન અપડેટનો ચાર્જ રૂ.25 છે. જો ફોટો અને મોબાઈલ નંબર અપડેટ કરવો હોય તો ઓફલાઈન શક્ય છે. આનો ચાર્જ 50 રૂપિયા છે.