મોબાઈલ ખોવાઈ જાય કે ચોરાઇ જાય તો શું કરશો?  

આ સંજોગોમાં તમારે મહત્વના આ પાંચ સ્ટેપ જાણવા જરૂરી છે

મોબાઈલ એ જીવનનો મહત્વનો ભાગ બની ગયો છે. આ યુગમાં મોબાઈલથી જ બધા કામ કરી શકાય છે. જેમ કે લાઇટ બિલ ભરવું, કોઈને પેમેન્ટ કરવું બેલેન્સ કરવું.. આ બધા કામ ઘરે બેઠા થાય છે..પણ મોબાઈલ ખોવાઈ જાય તો શું કરવું એ સમજાતું નથી. પરંતુ જો તમારો મોબાઈલ ખોવાઈ જાય કે ચોરાઇ જાય તો સૌ પ્રથમ આ પાંચ કામ કરવા જોઈએ…જેથી બધી ચિંતા દૂર થઇ જશે.. 

ડેટા રિમુવ કરો- 

મોબાઈલમાં રહેલી ડેટા ખૂબ જ મહત્વપૂર્ણ હોય છે… મોબાઈલ ચોરાય જાય છે અથવા ખોવાય છે તો ખિસ્સા પર તો અસર ચોક્કસ પડે છે. મોબાઈલ નવો ખરીદી શકાય છે પરંતુ ડેટા એકઠો કરવો ખૂબ જ મુશ્કેલ બની જાય છે.. તેવામાં ડેટા કોઇના હાથમાં આવે તે પહેલા રિમુવ કરવા જરૂરી છે..IPhone યુઝર્સ icloud.com પર જઈને ફાઇન્ડ ડિવાઇસ ફીચરમાંથી વાઇસનો ડેટા કાઢી શકે છે. એન્ડ્રોઇડ ફોન ગૂગલ એકાઉન્ટ સાથે લિંક છે. 

તમારા મોબાઈલને ટ્રેક કરો-  

ચોરાયેલા કે ખોવાયેલા મોબાઈલને પણ ટ્રેક કરી શકાય છે. iPhone Find My Phone ફીયર સાથે આવે છે. મોબાઈલ ત્યારે જ ટ્રેક કરી શકાય છે, જ્યારે મોબાઈલ ઓનલાઇન હશે. 

બેંક એકાઉન્ટ સેવ કરો- 

બેંક ખાતાઓ વારંવાર મોબાઈલમાં ખુલતા હોય છે મોબાઈલ ખોવાઈ જાય, તો તરત જ બેંકિંગ વિગતો કાઢી નાખો. તમારા બધા નેટ બેંકિંગ પાસવર્ડ બદલો. જો તમારા નેટ બેંકિંગ પાસવર્ડ્સ શોપિંગ વગેરે દરમિયાન ઓટો-સેવ થઇ જાય છે, તો તે અમાન્ય થઈ જશે. આ સિવાય એટીએમ પિન પણ બદલો. 

સોશિયલ મીડિયા પ્લેટફોર્મનો પાસવર્ડ પણ બદલો- 

સ્માર્ટફોનમાં ફેસબુક ટવીટર ઇન્સ્ટાગ્રામ જેવા સોશિયલ મીડિયા પ્લેટફોર્મ ચાલુ રહે છે. આ પ્લેટફોર્મનો ઉપયોગ કૌભાંડો માટે થઈ શકે છે. તમારા બધા સોશિયલ મીડિયા પાસવર્ડ્સ બદલો  

સિમકાર્ડ બ્લોક કરો – 

પ્રથમ સિમ કાર્ડ બ્લોક કરો. પોલીસમાં એફઆઈઆર નોંધાવ્યા પછી, ટેલિકોમ નેટવર્ક સ્ટોર પર જાઓ અને તરત જ સિમ કાર્ડ બ્લોક કરાવી દો.