દિવાળી બાળકો સાથે ઉજવવા માંગતા માતાનો આપઘાત
વાંકાનેર :ઢુવા ગામની સીમમાં ફેકટરીમાં રહેતા યુવકની પત્ની પોતાના માવતર જતી રહી હોય દિવાળીમાં તેણે પત્નીને પોતાની પાસે આવવા કહેવા છતાં નહિ આવતા પત્ની વિયોગમાં ગળેફાંસો ખાઈ આપઘાત કરી લીધો હતો. બીજા બનાવમાં સરતાનપર ગામની સીમમાં ફેકટરીમાં બાળકો વતનમાં હોય તેઓએ દિવાળી કરવા વતનમાં જવાનું કહેતા પતિએ થોડા સમય બાદ વતનમાં જવાનું કહેતા પંખા સાથે ચૂંદડી બાંધી તેણીએ ગળેફાંસો ખાઈ આપઘાત કરી લીધો બનાવો અંગે વાંકાનેર તાલુકા પોલીસે અકસ્માતે મૃત્યુ અંગે નોંધ કરી તપાસ શરૂ કરી છે.
જાણવા મળ્યા મુજબ ઢુવા ગામની સીમમાં મિલેનિયમ સિરામિક ફેકટરીમાં રહેતા કરણકુનાર વિનોદકુમાર કઠેરિયા (ઉ.32) નામના યુવકની પત્ની પોતાના માવતર જતી રહી હોય દિવાળીના તહેવારમા કરણકુમારે તેની પત્નીને પોતાની પાસે આવવા કહેવા છતાં પત્ની નહિ આવતા પત્ની વિયોગમાં મનોમન લાગી આવતા મિલેનિયમ સિરામિક ફેકટરીમાં લેબર કવાટર્સમાં ગળેફાંસો ખાઈ આપઘાત કરી લીધો હતો.
બીજા બનાવમાં સરતાનપર ગામની સીમમાં બાફીટ સેનેટરીવેર નામની ફેકટરીમાં કામ કરતા અને રહેતા કવિતાબેન રામચરણભાઈ વર્માના બાળકો વતનમાં હોય તેઓએ દિવાળી કરવા વતનમાં જવાનું કહેતા તેણીના પતિએ થોડા સમય બાદ વતનમાં જવાનું કહેતા કવિતાબેનને મનોમન લાગી આવતા રૂમમાં પંખા સાથે ચૂંદડી બાંધી ગળેફાંસો ખાઈ આપઘાત કરી લીધો હતો. બનાવો અંગે વાંકાનેર તાલુકા પોલીસે અકસ્માતે મૃત્યુ અંગે નોંધ કરી તપાસ શરૂ કરી છે.