બિગબેશ લિગમાં સિડની થંડર્સે T20 ક્રિકેટના ઈતિહાસનો સૌથી લોએસ્ટ સ્કોર નોંધાવ્યો
ઓસ્ટ્રેલિયાની બિગબેશ લિગમાં ગઈ કાલે સિડની થંડર્સ અને એડિલેડ સ્ટ્રાઈકર્સ વચ્ચે મેચ રમાઈ રહી હતી. જેમાં સિડની થંડર્સે એક અણગમતો રેકોર્ડ પોતાના નામે કર્યો છે. સિડની થંડર્સ માત્ર 15 રનમાં જ ઓળઆઉટ થઈ ગઈ હતી. ટીમ એડિલેડ સ્ટ્રાઈકર્સે આપેલા 140 રનના ટાર્ગેટને ચેઝ કરવા માટે મેદાને ઉતરી હતી. સિડનીના 5 બેટર્સ ઝીરોમાં આઉટ થયા હતા. તો બાકીના બેટર 4 રનથી પણ વધુ રન કરી શક્યા નહોતા. આમ સિડની સ્ટ્રાઈકર્સે T20 ક્રિકેટમાં લોએસ્ટ સ્કોરનો રેકોર્ડ પોતાના નામે કર્યો છે. એડિલેડ સ્ટ્રાઈકર્સ તરફથી સૌથી વધુ હેનરી થોન્ટર્ને 5 વિકેટ ઝડપી હતી. જ્યારે વેસ અગરે 4 વિકેટ લીધી હતી. તે એસ્ટર્ન અગરનો નાનો ભાઈ છે. T20 ઈન્ટરનેશનલની વાત કરીએ તો સૌથી ઓછો સ્કોર કરવાનો રેકોર્ડ ટર્કીના નામે છે. તેણે 2019માં ચેક રિપબ્લિકને 21 રન પર આઉટ કરી દીધું હતું. ચેક રિપબ્લિકે 20 ઓવરમાં 278 રન બનાવ્યા હતા.
એડિલેડ સ્ટ્રાઈકર્સે ટૉસ જીતીને પહેલા બેટિંગ કરવાનો નિર્ણય કર્યો હતો. તેઓએ 20 ઓવરમાં 9 વિકેટે 139 રન બનાવ્યા હતા. તેમની ટીમ તરફથી સૌથી વધુ ક્રિસ લિને 36 રન બનાવ્યા હતા. આ પછી કોલિન ડિ ગ્રેડહોમે 33 રન કર્યા હતા. સિડની થંડર્સના ફઝલહક ફારુકીએ 3 વિકેટ, જ્યારે ગુરિંદર સંધુ, ડેનિયલ સેમ્સ અને બ્રેન્ડન ડોઝેટે 2-2 વિકેટ લીધી હતી. 140 રનના ટાર્ગેટને ચેઝ કરવા ઉતરેલી સિડની થંડરની ટીમ પાવરપ્લેમાં જ 15 રનમાં ઓલઆઉટ થઈ ગઈ હતી. સ્ટ્રાઈકર્સના હેનરી થોન્ટર્ને 2.5 ઓવરમાં 3 રનમાં 5 વિકેટ ઝડપી હતી. વેસ અગરે 2 ઓવરમાં 6 રનમાં 4 વિકેટ લીધી હતી. એક વિકેટ મૈથ્યૂ શોર્ટને મળી હતી. થંડરના 5 બેટર્સ ઝીરોમાં આઉટ થઈ ગયા હતા. તો બાકીના 6 બેટર્સમાંથી બ્રેન્ડન ડોઝેટે સૌથી વધુ 4 રન બનાવ્યા હતા!
IPLમાં સૌથી ઓછો સ્કોર RCBએ બનાવ્યો હતો. ટીમે 2017ની એડિશનમાં KKRની સામે 49 રનમાં ઓલઆઉટ થઈ ગઈ હતી. ટીમની તરફથી સૌથી વધુ કેદાર જાધવે 9 રન બનાવ્યા હતા. KKR તરફથી સૌથી વધુ નાથન કુલ્ટર-નાઇલ, ક્રિસ વોક્સ અને કોલિન ડી ગ્રેન્ડહોમે 3-3 વિકેટ ઝડપી હતી.